Hymn Laetabundus
| Words (S. Bernardus Claravallis?, s. XII) | |
|
exsultet fidelis chorus, alleluia. Regem regum intactae profudit thorus: res miranda. Angelus consilii natus est de virgine, sol de stella. Sol occasum nesciens, stella semper rutilans, semper clara. Sicut sidus radium, profert virgo filium pari forma. Neque sidus radio neque mater filio fit corrupta. Cedrus alta Libani conformatur hyssopo valle nostra. Verbum ens Altissimi corporari passum est carne sumpta. Isaias cecinit, synagoga meminit, nunquam tamen desinit esse caeca. Si non suis vatibus, credat vel gentilibus Sibyllinis versibus haec predicta. Infelix, propera, crede vel vetera: cur damnaberis, gens misera? Quem docet littera natum considera: ipsum genuit puerpera. Alleluia. |
|
Performed by Cantica:
On Sunday December 14, 2008, Third Sunday of Advent (Gaudete Sunday)
On Saturday December 20, 2008, Fourth Sunday of Advent (Rorate Sunday)